కాశ్మీర్‌లోని ప‌హ‌ల్గాంలో జ‌రిగిన ఉగ్రదాడిని ముంబై కెప్టెన్ హార్దిక్ పాండ్య, స‌న్‌రైజ‌ర్స్ కెప్టెన్ ప్యాట్ క‌మిన్స్ ఖండించారు. స‌న్‌రైజ‌ర్స్ హైద‌రాబాద్, ముంబై ఇండియ‌న్స్ మ‌ధ్య మ్యాచ్ కోసం టాస్ స‌మ‌యంలో ఇద్ద‌రు కెప్టెన్లు ఉగ్రదాడిని ఖండిస్తున్న‌ట్టు తెలిపారు. త‌మ టీమ్స్, యావ‌త్ భార‌త్ మొత్తం ఉగ్ర‌దాడిలో చ‌నిపోయిన కుటుంబాల‌కు సానుభూతి తెలుపుతోంద‌ని…వారి కుటుంబాల‌కు అండ‌గా ఉండాల‌ని వారు చెప్పారు. ప‌హ‌ల్గాం ఉగ్ర‌దాడిలో ప‌ర్యాట‌కులు 28 మంది ప్రాణాలు కోల్పోగా, ప‌దుల సంఖ్య‌లో గాయ‌ప‌డ్డారు. కాగా దీనిపై దేశ‌మంతా ర‌గిలిపోతోంది.ఇటువంటి స‌మ‌యంలో ప్ర‌జ‌లంతా శాంతి కోరుకోవాల‌ని, మాన‌వ‌త్వం చాటుకోవాల‌ని పిలుపునిచ్చారు. ఇరుజ‌ట్ల ఆట‌గాళ్లు న‌ల్ల‌టి చేతి బ్యాండ్‌లు ధ‌రించి వారి సానుభూతి ప్ర‌క‌టించుకున్నారు. నిమిషం పాటు మౌనం పాటించారు.
