చెన్నై ప్లాన్ ప్ర‌కార‌మే అత‌డిని తెచ్చింది

చెన్నై సూప‌ర్ కింగ్స్, ముంబై ఇండియ‌న్స్ మ‌ధ్య జ‌ర‌గ‌బోయే మ్యాచ్ కోసం అందరూ ఆత్రుత‌గా ఎదురుచూస్తున్నారు. ఎందుకంటే ఇది రివేంజ్ టైమ్..ఈ రెండు జ‌ట్ల మ‌ధ్య అంత‌కు ముందు చెన్నైలో మ్యాచ్ జ‌ర‌గ‌గా..సీఎస్కే ముంబైని ఓడించింది. మ‌రి ఇప్పుడు ముంబై ఇలాఖా వాంఖ‌డేలో మ్యాచ్ జ‌రుగుతుంది. మ‌రి హోమ్ అడ్వాంటేజ్ తీసుకుని చెన్నైకి ఇచ్చిప‌డేయాల‌ని ముంబై చూస్తోంది. ఐతే చెన్నై జ‌ట్టులో డెవాల్డ్ బ్రెవిస్ చేరాడు. గాయంతో టోర్నీకి దూర‌మైన గుర్‌జ‌ప్నీత్ సింగ్ స్థానంలో ఇత‌డిని రూ. 2.2 కోట్ల‌కు తీసుకుంది. 2022, 2024 సీజ‌న్ల‌లో ముంబై ఇండియ‌న్స్‌కు ఆడిన బ్రెవిస్..వాంఖ‌డేలో ఈసారి ఎల్లో డ్రెస్‌లో క‌నిపించ‌బోతున్నాడు. ఈ సీజ‌న్‌లో త‌మ‌ మాజీ ప్లేయ‌ర్సే ఆయా టీమ్‌ల‌ ఓట‌మికి కార‌ణ‌మ‌వుతున్నారు. మ‌రి అదే ట్రెండ్ కంటిన్యూ అవ్వాల‌ని బ్రెవిస్ వాంఖ‌డేలో అద‌ర‌గొట్టాల‌ని సీఎస్కే ఆశ‌ప‌డుతోంది. మ‌రి బ్రెవిస్‌ను ఆడిస్తారా..? బ్రెవిస్ ముంబై పాలిట విల‌న్‌లా మార‌తాడా…అనేది ఆస‌క్తిరేపుతోంది.