ఔటై మ‌ళ్లీ వ‌చ్చాడు..ఐనా

ముంబై ఇండియ‌న్స్, స‌న్‌రైజ‌ర్స్ హైద‌రాబాద్ మ‌ధ్య జ‌రుగుతున్న మ్యాచ్‌లో ఒక ఆస‌క్తిక‌ర స‌న్నివేశం చోటుచేసుకుంది. ముంబై బ్యాట‌ర్ ర్యాన్ రికెల్ట‌న్‌..స‌న్‌రైజ‌ర్స్ బౌల‌ర్ జీష‌న్ హ‌న్సారీ బౌలింగ్ షాట్‌కు ప్ర‌య‌త్నించి షార్ట్ క‌వ‌ర్‌లో ఉన్న ప్యాట్ క‌మిన్స్‌కు క్యాచ్ ఇచ్చి ఔట‌య్యాడు. పెవిలియ‌న్ వైపు వెళ్లిపోయాడు కూడా..కానీ అంత‌లోనే ఊహించ‌ని ప‌రిణామం, మ్యాచ్ అఫీషియ‌ల్స్ రికెల్ట‌న్‌ను డ్రెస్సింగ్ రూమ్‌లోకి వెళ్ల‌నివ్వ‌లేదు. ఎందుకంటే థ‌ర్డ్ అంపైర్ అది ఔటా, కాదా అని చెక్ చెస్తుండ‌డ‌మే. రికెల్ట‌న్ షాట్ ఆడిన స‌మ‌యంలో వికెట్ కీప‌ర్ క్లాసెన్ త‌న గ్ల‌వ్స్‌ను వికెట్ల ముందుకు తెచ్చాడు. రీప్లేలో అది క‌న్ఫ‌ర్మ్ అవ‌డంతో థ‌ర్డ్ అంపైర్ నాటౌట్‌గా ప్ర‌క‌టించి రికెల్ట‌న్‌ను మ‌ళ్లీ గ్రౌండ్‌లోకి ర‌ప్పించారు. ఐతే రికెల్ట‌న్ మ‌రో రెండు బౌండ‌రీలు సాధించి ఔట‌య్యాడు. త‌న‌కు క‌లిసొచ్చిన ల‌క్‌ను ఎక్కువ‌సేపు ఉప‌యోగించుకోలేక‌పోయాడు.