ఇదేం పిచ్‌రా బాబు..18వ ఓవ‌ర్‌లో తొలి సిక్స్

ముంబై ఇండియ‌న్స్‌తో జ‌రుగుతున్న మ్యాచ్‌లో స‌న్‌రైజ‌ర్స్ హైద‌రాబాద్ 20 ఓవ‌ర్ల‌లో 5 వికెట్ల న‌ష్టానికి 162 ర‌న్స్ చేసింది. ఈ స్లో పిచ్‌పై స‌న్‌రైజ‌ర్స్ బ్యాట‌ర్లు షాట్లు కొట్టేందుకు తెగ ఇబ్బంది ప‌డ్డారు. దానికి కార‌ణం స్లో పిచ్‌. పవ‌ర్ ప్లేలో అభిషేక్, హెడ్ ఎంత ట్రై చేసినా..సిక్స‌ర్లు కొట్ట‌లేక‌పోయారు. ఇక మిడిల్ ఓవ‌ర్స్‌లోనూ నితీశ్‌కుమార్‌రెడ్డి, హెన్రిక్ క్లాసెన్ శాయ‌శ‌క్తులా ప్ర‌య‌త్నించినా ద‌క్క‌లేదు. దీప‌క్ చాహ‌ర్ వేసిన ఇన్నింగ్స్ 18వ ఓవ‌ర్‌లో క్లాసెన్ సిక్స‌ర్ కొట్టాడు..అదే ఓవ‌ర్‌లో రెండు సిక్స్‌లు, రెండు ఫోర్లు, ఒక సింగిల్‌తో 21 ర‌న్స్ రాబ‌ట్టుకున్నాడు. స‌న్‌రైజ‌ర్స్ ఇన్నింగ్స్‌లో ఇదే బెస్ట్ ఓవ‌ర్‌. చివ‌ర్లో అనికేత్‌, రెండు సిక్స‌ర్లు..ఇన్నింగ్స్ లాస్ట్ బాల్‌కు కెప్టెన్ క‌మిన్స్ ఒక సిక్స్ కొట్ట‌డంతో స‌న్‌రైజ‌ర్స్ గౌర‌వ‌ప్ర‌ద‌మైన స్కోరును చేరుకుంది. అభిషేక్ 40 ర‌న్స్‌తో టాప్ స్కోర‌ర్‌గా ఉన్నాడు. క్లాసెన్ 37, హెడ్ 28 ర‌న్స్ సాధించారు. ముంబై బౌల‌ర్ల‌లో విల్ జాక్స్ 2 వికెట్లు తీయ‌గా, బుమ్రా, హార్దిక్, బౌల్ట్‌కు త‌లా ఒక వికెట్ ద‌క్కింది.