గుంటూరు కుర్రాడి అరంగేట్రం అదుర్స్

మొన్న‌నే మ‌నం అనుకున్నాం..చెన్నై సూప‌ర్ కింగ్స్‌ గుంటూరు కుర్రాడు షేక్ ర‌షీద్‌ను ఆడిస్తే బాగుంటుంద‌ని…ఆ మ్యాచ్‌లో అవ‌కాశం రాలేదు గానీ, ల‌క్నో సూప‌ర్ జెయింట్స్‌పై ల‌క్ క‌లిసొచ్చింది..నిజ‌మే ఎందుకంటే రుతురాజ్ గాయం కార‌ణంగా లీగ్‌కు దూర‌మ‌వ‌డం..ఓపెన‌ర్‌గా డెవాన్ కాన్వే విఫ‌ల‌మ‌వుతుండ‌టం…దీంతో బెంచ్‌పై ఉన్న ఆప్ష‌న్స్‌ను ప‌రీక్షించాల‌నుకుంది సీఎస్కే. ఇంకేముంది ర‌షీద్‌కు చాన్స్ ద‌క్కింది. ఇప్ప‌టి వ‌ర‌కు దేశ‌వాళీ టీ20ల్లో ఓపెనింగ్‌లో ఆడ‌ని ర‌షీద్‌ను జ‌ట్టులో తీసుకోవ‌డ‌మే కాదు..ఏకంగా ఓపెన‌ర్‌గా పంపించింది సీఎస్కే. ఐతే ఈ తెలుగు కుర్రాడు ఏ మాత్రం బెరుకు లేకుండా ఆడాడు. ప‌క్కా క్రికెటింగ్ షాట్స్‌తో ఫోర్లు కొట్టి అల‌రించాడు. స‌హ‌జ సిద్ధ క్రికెట్‌కు భిన్నంగా చిత్ర‌విచిత్ర‌మైన షాట్లతో రెచ్చిపోయే ఈ ఫార్మాట్‌లో ఆడిన కాసేపైనా క్లాస్ ఇన్నింగ్స్‌తో అల‌రించాడు ర‌షీద్. తొలి మ్యాచ్‌లోనే క్వాలిటీ ప్లేయ‌ర్‌లాగా క‌నిపించాడు. 19 బాల్స్‌లో 26 ర‌న్స్ చేసి ఔట‌య్యాడు. ఇందులో 6 ఫోర్లు ఉన్నాయి. ర‌షీద్‌కు సీఎస్కే మ‌రిన్ని అవ‌కాశాలివ్వాల‌ని ఆశిద్దాం