ఫామ్‌లో లేని ర‌షీద్‌ను ఫామ్‌లోకి తెస్తారా?

స‌న్‌రైజ‌ర్స్ హైద‌రాబాద్ మాజీ ప్లేయ‌ర్…ర‌షీద్ ఖాన్‌ గుజ‌రాత్ టైట‌న్స్ బౌలింగ్ లైన‌ప్‌లో కీల‌క స్పిన్న‌ర్‌. ఐతే ఇత‌డు త‌న స్థాయికి త‌గ్గ ప్ర‌ద‌ర్శ‌న ఇవ్వ‌డం లేదు. ఇప్ప‌టి వ‌ర‌కు గుజ‌రాత్ మూడు మ్యాచులు ఆడ‌గా..ర‌షీద్ ఒకే ఒక్క వికెట్ తీశాడు. అది కూడా అహ్మ‌దాబాద్‌లో జరిగిన తొలి మ్యాచ్‌లో పంజాబ్‌పై. ఆ త‌ర్వాత ముంబైపై వికెట్లేమీ తీయ‌లేదు. ఇక ఆర్సీబీపై కూడా వికెట్ తీయ‌లేదు, పైగా 4 ఓవ‌ర్ల‌లో 54 ర‌న్స్ ఇచ్చి ఎక్స్‌పెన్సివ్‌గా ప్రూవ్ అయ్యాడు. మ‌రి ర‌షీద్ తిరిగి ఫామ్‌లోకి రావ‌డానికి హైద‌రాబాద్ వేదిక కానుందా అనే అనుమానాలు లేక‌పోలేదు. ఎందుకంటే ర‌షీద్ ఈ పిచ్‌పై ఎన్నో మ్యాచ్‌లు ఆడాడు. అత‌డికి ఎంతో అనుభ‌వం ఉంది. ప్ర‌స్తుతం స‌న్‌రైజ‌ర్స్ ఆట‌గాళ్లు పెద్ద‌గా ఫామ్‌లో లేరు..ర‌షీద్ ఖాన్ ట‌చ్‌లోకి వ‌స్తే ఒక్క క్లాసెన్ మిన‌హా మిగ‌తా బ్యాట‌ర్ల‌కు ఇబ్బందులు త‌ప్ప‌వు. పేల‌వంగా బౌలింగ్ వేస్తున్న ర‌షీద్‌పై కౌంట‌ర్ ఎటాక్ చేస్తారా? లేదా దాసోహ‌మంటూ అత‌డిని తిరిగి ఫామ్ అందిపుచ్చుకునేలా చేస్తారో చూడాలి.