త‌లా ఓ మాట అంటున్నారు..

చెన్నై సూప‌ర్ కింగ్స్ ఓట‌ములు..ఆ టీమ్ సీనియ‌ర్ ప్లేయ‌ర్‌ మ‌హేంద్ర‌సింగ్ ధోనిపై విమ‌ర్శ‌లు గుప్పించేలా చేస్తున్నాయి. సీఎస్కే అభిమానులే త‌లాను విమ‌ర్శిస్తున్న వీడియోలు సోష‌ల్ మీడియాలో చ‌క్క‌ర్లు కొడుతున్నారు. ఇంకెంత‌కాలం త‌లా త‌లా అంటూ ఆరాధిస్తారు, ఎంత ఆరాధించినా ఆయ‌న బ్యాటింగ్ ఆర్డ‌ర్‌లో పైకి రావ‌డం లేదు, మ్యాచ్‌లు గెలిపించ‌డం లేదు..ఏదో 17, 18వ ఓవ‌ర్‌లో బ్యాటింగ్‌కు దిగి..ఒక ప‌ది బాల్స్ ఆడి ఒక ఫోరో, సిక్స‌రో కొట్టి వెళ్లిపోతాడు..అదే మ‌హాప్ర‌సాదం అనుకుంటూ బతికేస్తున్నాం..త‌లా అభిమానులం…అంటూ కొంద‌రు ఫ్యాన్స్ చెన్నై ఓట‌మి అనంత‌రం మాట్లాడిన వీడియోలు వైర‌ల్ అవుతున్నాయి. ఐతే ఇంకొంద‌రు హార్డ్‌కోర్ అభిమానులు మాత్రం ధోని ఎలా ఆడిన త‌మ‌కు ఫ‌ర‌వాలేద‌ని, ఎప్పుడు ఏం చేయాలో, ఎలా ఆడాలో ఆయ‌నకు బాగా తెలుస‌ని, ఒక‌టి రెండు ఓట‌ముల వ‌ల్ల మాహీని విమ‌ర్శించేవాళ్ల‌ని ప‌ట్టించుకోవాల్సిన అవ‌స‌రం లేద‌ని చెబుతున్నారు. ఆయ‌నొక మ్యాచ్ విన్న‌ర్ అని..టీమ్ కోసం ఇప్ప‌టి వ‌ర‌కు ఏం చేశాడో రికార్డ్స్ చెబుతాయంటున్నారు. మ‌రి మ‌హీలోని మ్యాచ్ విన్న‌ర్ మ‌ళ్లీ నిద్ర‌లేచే చాన్స్ ఉందా? ఏదైమేనా అభిమానులు మాత్రం..మ‌ళ్లీ గెలిపించు త‌లా అని కోరుకుంటున్నారు.