ల‌క్నో రిట‌ర్న్ గిఫ్ట్

గ‌త సీజ‌న్‌లో ల‌క్నో సూప‌ర్ జెయింట్స్ పై స‌న్‌రైజ‌ర్స్ హైద‌రాబాద్ బ్యాట‌ర్స్ విరుచుకుప‌డ‌టం గురించే అంతా మాట్లాడుకున్నారు. కానీ ఈ సీజ‌న్‌లో ల‌క్నో రిట‌ర్న్ గిఫ్ట్ ఇచ్చేసింది. స‌న్‌రైజ‌ర్స్ విసిరిన 191 ప‌రుగుల ల‌క్ష్యాన్ని 16.1 ఓవ‌ర్ల‌లోనే ఛేదించింది. స‌న్‌రైజ‌ర్స్ బౌలింగ్‌ను నికోల‌స్ పూర‌న్ ఊచ‌కోత కోశాడు. ఇత‌నికి మిచెల్ మార్ష్ కూడా తోడ‌య్యాడు. ఇక చివ‌ర్లో అబ్దుల్ స‌మ‌ద్ కూడా సుడిగాలిలా రెచ్చిపోయాడు. ఈ ముగ్గురూ గ‌తంలో స‌న్‌రైజ‌ర్స్‌కు ఆడిన‌వారే. వీళ్ల విధ్వంసం ధాటికి స‌న్‌రైజ‌ర్స్ ర‌న్‌రేట్ మైన‌స్‌లోకి వెళ్లింది. దీని నుంచి కోలుకోవ‌డం స‌న్‌రైజ‌ర్స్‌కు పెద్ద స‌మ‌స్యేమీ కాదు, కానీ ల‌క్నో మాత్రం పాత లెక్క‌స‌రిచేయ‌డ‌మే కాదు, ర‌న్‌రేట్ కూడా బాగా పెంచుకుని పాయింట్స్ టేబుల్‌లో రెండో స్థానానికి దూసుకెళ్లింది. టోర్నీలో ఇంకా చాలా మ్యాచ్‌లు ఆడాల్సి ఉన్నందున ప్ర‌తీ టీమ్ రిక‌వ‌ర్ అయ్యేందుకు అవ‌కాశం ఉంటుంది. స‌న్‌రైజ‌ర్స్ కూడా ఈ సీజ‌న్‌లోనే ల‌క్నోకి మ‌ళ్లీ తిరిగి ఇచ్చే చాన్స్ కూడా ఉంది, మే 18న ఈ ఇరుజ‌ట్లు ల‌క్నోలోని వాజ్‌పేయి స్టేడియంలో మ‌రోసారి త‌ల‌ప‌డ‌నున్నాయి. అది ఎస్ ఆర్ హెచ్ ఆడ‌బోయే చివ‌రి లీగ్ మ్యాచ్ కూడా.