రంగంలోకి స్వ‌ప్నిల్..?

గ‌త సీజ‌న్‌లో ఆర్సీబీ బౌన్స్ బ్యాక్ అయి..ప్లే ఆఫ్స్‌కు చేర‌డంలో త‌న‌దైన రోల్ పోషించిన‌ స్వ‌ప్నిల్ సింగ్..ఈసారి కూడా చాన్స్ కోసం ఎదురుచూస్తున్నాడు. స్పిన్‌కు అనుకూలించే చెపాక్‌లో సీఎస్కేతో జ‌ర‌గబోయే మ్యాచ్‌లో స్వ‌ప్నిల్ ఆడే అవ‌కాశాలున్నాయి. ఇప్ప‌టికే సుయాశ్‌శ‌ర్మ‌, కృనాల్‌పాండ్య ఉండ‌గా వీరికి తోడు స్వ‌ప్నిల్‌ను తీసుకునే ఆలోచ‌న‌లో ఉంది ఆర్సీబీ. గ‌త మ్యాచ్‌లో ఆడిన ఆల్‌రౌండ‌ర్ ర‌సిక్‌దార్ స్థానంలో స్వ‌ప్నిల్‌ను తీసుకుంటారా అనేది కాస్త సందేహ‌మే. గ‌త సీజ‌న్‌లో డీసీకి ఆడి బ్యాటింగ్, బౌలింగ్‌లో ఆక‌ట్టుకున్న ర‌సిక్..ఈసారి ఆర్సీబీ త‌ర‌పున త‌న మార్క్ చూపించాల‌ని త‌హ‌త‌హ‌లాడుతున్నాడు. చెపాక్ ప‌రిస్థితుల‌కు అనుగుణంగా ర‌సిక్ స్థానంలో స్వ‌ప్నిల్‌ను తీసుకుంటే ఆర్సీబీ క‌లిసి రావొచ్చేమో..ఎందుకంటే గ‌త సీజ‌న్ క్లైమాక్స్‌లో ఆర్సీబీ ఫేట్ మారి ప్లే ఆఫ్స్‌కు దూసుకెళ్ల‌డంలో స్వ‌ప్నిల్ కీ రోల్ ప్లే చేసిన సంగ‌తి తెలిసిందే.