ఇర‌గ‌దీసి మ‌రీ..ఇంట గెలిచింది

హ‌మ్మ‌య్య‌.. రాయ‌ల్ చాలెంజ‌ర్స్ బెంగ‌ళూరు మొత్తానికి సొంత‌గ‌డ్డ‌పై మ్యాచ్ గెలిచింది. రాజ‌స్థాన్ రాయ‌ల్స్‌తో జ‌రిగిన మ్యాచ్‌లో ఉత్కంఠ విజ‌యాన్ని న‌మోదు చేసుకుంది. బెంగ‌ళూరులోని చిన్న‌స్వామి స్టేడియంలో ఇప్ప‌టి వ‌ర‌కు ఆడిన 3 మ్యాచుల్లో 3 ఓడిపోగా..ఈసారి గెలుపుతో ఆ బ్యాడ్ సెంటిమెంట్‌కు స్వ‌స్తి ప‌లికింది. మొద‌ట బ్యాటింగ్ చేసిన ఆర్సీబీ 20 ఓవ‌ర్ల‌లో 5 వికెట్ల న‌ష్టానికి 205 ర‌న్స్ చేసింది. విరాట్ కోహ్లీ (70), దేవ్‌ద‌త్ ప‌డిక్క‌ల్ (50) హాఫ్ సెంచ‌రీల‌తో అద‌ర‌గొట్టారు. చివ‌ర్లో టిమ్ డేవిడ్ (23), జితేశ్ శ‌ర్మ(20) దూకుడుగా ఆడి రెండొంద‌లు దాటించారు. 206 ప‌రుగుల టార్గెట్‌ను ఛేదించే క్ర‌మంలో రాయ‌ల్స్‌ ఆరంభం అద‌ర‌గొట్టినా..మ‌ళ్లీ పాత క‌థే రిపీట్ చేసింది. 49 ర‌న్స్‌తో జైస్వాల్ టాప్ స్కోర‌ర్ గా ఉండ‌గా, జురేల్ (47) ఊరించి ఉసూరుమ‌నిపించాడు. ఆర్సీబీ బౌల‌ర్ జాష్ హేజిల్‌వుడ్ అద్భుత‌మైన బౌలింగ్‌తో టీమ్ గెలుపులో కీ రోల్ ప్లే చేశాడు.