GT..యూ బ్యూటీ

ఈ సీజ‌న్ ఐపీఎల్‌లో గుజ‌రాత్ టైట‌న్స్ జైత్ర‌యాత్ర కొన‌సాగుతోంది. కోల్‌క‌త నైట్‌రైడ‌ర్స్‌ను వారి సొంత‌గ‌డ్డ‌పైనే ఓడించి విజ‌యాల సిక్స‌ర్ కొట్టింది. 12 పాయింట్ల‌తో టేబుల్‌లో టాప్ పొజిష‌న్‌లో కొన‌సాగుతోంది. మొద‌ట బ్యాటింగ్ చేసిన గుజ‌రాత్‌కు మిస్ట‌ర్ క‌న్సిస్టెంట్ సాయి సుద‌ర్శ‌న్, కెప్టెన్ శుభ్‌మ‌న్ గిల్ అద్దిరిపోయే ఆరంభాన్నిచ్చారు. సుద‌ర్శ‌న్ 52 ర‌న్స్ చేయ‌గా, గిల్ 90 ర‌న్స్ వ‌ద్ద ఔటై సెంచ‌రీ చేసే అవ‌కాశాన్ని మిస్ చేసుకున్నాడు. బ‌ట్ల‌ర్ (41) కూడా విజృంభించ‌డంతో గుజ‌రాత్ 20 ఓవ‌ర్ల‌లో 3 వికెట్ల న‌ష్టానికి 198 ర‌న్స్ చేసింది. 199 ప‌రుగుల టార్గెట్‌ను ఛేదించ‌డంలో కేకేఆర్ పూర్తిగా విఫ‌ల‌మైంది. కెప్టెన్ ర‌హానే హాఫ్ సెంచ‌రీ (50) చేసినా, మిగ‌తా బ్యాట‌ర్లు చేతులెత్తేయ‌డంతో ఓట‌మి త‌ప్ప‌లేదు. గుజ‌రాత్ బౌల‌ర్ల‌లో ప్ర‌సిద్ కృష్ణ‌, ర‌షీద్‌ఖాన్‌కు చెరో 2 వికెట్లు ద‌క్కాయి.