రైజర్స్ ఫాలింగ్‌..

స‌న్‌రైజ‌ర్స్ హైద‌రాబాద్ ఖాతాలో 5వ ఓట‌మి. ముంబై ఇండియ‌న్స్‌తో జ‌రిగిన మ్యాచ్‌లో ఘోర ఓట‌మి చ‌విచూసింది. పిచ్ స్లోగా ఉండ‌టం, హోమ్ అడ్వాంటేజ్ ముంబైకి కాస్త క‌లిసొచ్చిన‌ప్ప‌టికీ…స‌న్‌రైజ‌ర్స్ భారీ స్కోర్ చేయ‌డంలో విఫ‌ల‌మైంది. ముంబై బౌల‌ర్లు ప‌క్కా ప్లానింగ్‌తో స‌న్‌రైజ‌ర్స్ బ్యాట‌ర్ల‌ను క‌ట్ట‌డి చేశారు. అభిషేక్ 40, క్లాసెన్ 37, హెడ్ 28 ర‌న్స్ చేశారు. దీంతో హైద‌రాబాద్ జ‌ట్టు 20 ఓవ‌ర్ల‌లో 5 వికెట్ల న‌ష్టానికి 162 ప‌రుగులు చేసింది. 163 ప‌రుగుల టార్గెట్‌ను ముంబై 19.1 ఓవ‌ర్ల‌లో ఛేదించింది. ఓపెన‌ర్ రోహిత్ దూకుడుగా ఇన్నింగ్స్ ఆరంభించిన‌ప్ప‌టికీ.. 26 ర‌న్స్ చేసి ఔట‌య్యాడు. ఆ త‌ర్వాత రికెల్ట‌న్‌, విల్ జాక్స్ కుదురుకున్నారు. ఈ ఇద్ద‌రూ ర‌న్‌రేట్ పెర‌గ‌కుండా చూశారు. రికెల్ట‌న్ 36, జాక్స్ 31 ర‌న్స్ చేయ‌డంతో ముంబై టార్గెట్ దిశ‌గా ప‌య‌నించింది. ఆ త‌ర్వాత సూర్య 26 కాసేపు అల‌రించ‌గా..తిల‌క్‌వ‌ర్మ‌తో క‌లిసి కెప్టెన్ హార్దిక్ ముంబైకి విజ‌యతీరాల‌కు చేర్చాడు. స్కోర్లు స‌మ‌మైన త‌ర్వాత ముంబై వికెట్ కోల్పోవ‌డంతో గెలుపు కాస్త ఆల‌స్య‌మైంద‌ని చెప్పొచ్చు. బౌలింగ్‌లో రెండు వికెట్లు తీసి, బ్యాటింగ్‌లో 31 ర‌న్స్ చేసిన విల్ జాక్స్ ప్లేయ‌ర్ ఆఫ్ ద మ్యాచ్‌గా నిలిచాడు.