దేవుడ్‌లా ఆదుకున్నాడు..

హోమ్ గ్రౌండ్‌.. ఫ‌స్ట్ బ్యాటింగ్..ఇదేదో క‌లిసిరాని సెంటిమెంట్‌లా మారింది ఆర్సీబీకి. టాస్ ఓడి బ్యాటింగ్ చేసిన ఆర్సీబీ వ‌ర్షం కార‌ణంగా కుదించిన 14 ఓవ‌ర్ల‌లో 9 వికెట్ల న‌ష్టానికి 95 ర‌న్స్ చేసింది. కానీ టిమ్ డేవిడ్ (26 బాల్స్‌లో 50, 5 ఫోర్లు, 3 సిక్స‌ర్లు) దేవుడిలా కాపాడాడు ఆర్సీబీని. మ‌రీ దారుణంగా ఆలౌట్ కాకుండా అడ్డుకుని..పోరాడ‌గ‌లిగే స్కోర్‌ను సాధించి పెట్టాడు. కెప్టెన్ ర‌జ‌త్ ప‌టిదార్ (23) త‌ప్ప మిగ‌తా బ్యాట‌ర్స్ సింగిల్ డిజిట్స్‌కే ఔట‌య్యారు. పంజాబ్ బౌల‌ర్లు క‌ట్టుదిట్టంగా బౌలింగ్ వేసి ఆర్సీబీ బ్యాట‌ర్ల‌ను క‌ట్ట‌డి చేశారు. ఐతే ఆఖ‌రి ఓవ‌ర్‌లోనే అస‌లైన మ‌జా వ‌చ్చింది. 14వ ఓవ‌ర్‌లో చివ‌రి మూడు బాల్స్‌లో వ‌రుస‌గా మూడు సిక్స‌ర్లు కొట్టి..ఆ త‌ర్వాత నో బాల్‌కు 2 ర‌న్స్ తీసి టిమ్ డేవిడ్ హాఫ్ సెంచ‌రీ పూర్తి చేసుకున్నాడు. పంజాబ్ బౌల‌ర్ల‌లో అర్ష్‌దీప్‌, య‌న్‌సెన్, చ‌హాల్‌, బ్రార్ త‌లా 2 వికెట్లు తీశారు.