వాన ఆగింది.. ఆర్సీబీదే బ్యాటింగ్..

మొత్తానికి కొన్ని గంట‌లుగా బెంగ‌ళూరులో కురుస్తున్న వ‌ర్షం ఆగిపోయింది. తొమ్మిదిన్న‌ర‌కు టాస్ వేయ‌గా..పంజాబ్ కింగ్స్ టాస్ గెలిచి బౌలింగ్ ఎంచుకుంది. దీంతో ఆర్సీబీ హోమ్ గ్రౌండ్‌లో వ‌రుస‌గా మూడోసారి మొద‌ట బ్యాటింగ్ చేయ‌బోతోంది. రెండు సార్లు మొద‌ట బ్యాటింగ్ చేసి ఓడిపోయింది. మ‌రి వ‌ర్ష ప్ర‌భావిత ఈ మ్యాచ్‌లో ఫేట్ మారుతుందో చూడాలి. పంజాబ్ కింగ్స్ రెండు మార్పుల‌తో బ‌రిలోకి దిగుతోంది. మ్యాక్స్‌వెల్ ప్లేస్‌లో మార్క‌స్ స్టొయినిస్ టీమ్‌లోకి రాగా, హ‌ర్‌ప్రీత్ బ్రార్‌ను కూడా తీసుకున్నారు. ఆర్సీబీ మాత్రం గ‌త మ్యాచ్‌లో ఆడిన టీమ్‌తోనే బ‌రిలోకి దిగుతోంది. మ్యాచ్‌ను 14 ఓవ‌ర్ల‌కు కుదించారు. ప‌వ‌ర్ ప్లే 4 ఓవ‌ర్లు. న‌లుగురు బౌల‌ర్లు 3 ఓవ‌ర్లు వేయొచ్చు.