మాజీ ప్రియుడి ట్రెండ్

మాజీ ప్రియుడే హ‌త‌మార్చాడు…ఇలాంటి హెడ్డింగ్స్ త‌ర‌చుగా క్రైమ్‌ వార్త‌ల్లో చూస్తాం. ఇక్క‌డ ఆ హెడ్డింగ్ అంత ఆప్ట్ కాదు కానీ దీన్ని కొంచెం స్మూత్ గా..ఐపీఎల్ స్టైల్లో చెప్పాలంటే మాజీ ప్రియుడే ఓడించాడు అని చెప్పుకోవ‌చ్చు. ఈ సీజ‌న్‌లో అదే ట్రెండ్ కంటిన్యూ అవుతోంది. ముఖ్యంగా ఆర్సీబీ విష‌యంలో గుజ‌రాత్‌కు ఆడిన సిరాజ్‌, ఢిల్లీకి ఆడిన కేఎల్ రాహుల్‌..గ‌తంలో ఆర్సీబీ ప్లేయ‌ర్సే..వాళ్లు ఈ సీజ‌న్‌లో ఆర్సీబీపై స‌త్తా చాటి వారి ఓట‌మికి కార‌ణ‌మ‌య్యారు. ఇక‌ తాజాగా యుజ్వేంద్ర చ‌హాల్ కూడా ఆ ట్రెండ్‌ను ఫాలో అవుతూ ఆర్సీబీ పాలిట విల‌న్‌గా మారాడు. 8 సీజ‌న్లు ఆర్సీబీ త‌ర‌పున ఆడిన చ‌హాల్.. ఈ సీజ‌న్‌లో పంజాబ్‌కు ఆడుతున్నాడు. ఆల్రెడి అంత‌కు ముందు కేకేఆర్‌పై ముల‌న్‌పూర్‌లో 4 వికెట్లు తీసి ఫామ్‌లో ఉన్న చ‌హాల్‌కు..త‌న పాత గ్రౌండ్‌లో అడుగుపెట్ట‌గానే మ‌రింత జోష్ వ‌చ్చింది. ఆర్సీబీతో జ‌రిగిన మ్యాచ్‌లో విజృంభించాడు. అప్ప‌టికే 26 రన్స్‌కే 3 వికెట్లు కోల్పోయి పీక‌ల్లోతు క‌ష్టాల్లో ఉన్న ఆర్సీబీని చ‌హాల్ కోలుకోలేని దెబ్బ‌తీశాడు. ముందుగా జితేశ్‌ను ఔట్ చేసి..ఆ త‌ర్వాత సెట్ అయిన బ్యాట‌ర్ ఆర్సీబీ కెప్టెన్ ర‌జ‌త్ ప‌టిదార్‌ను ఔట్ చేసి త‌న మాజీ టీమ్‌ను న‌ట్టేన ముంచాడు. 3 ఓవ‌ర్లు వేసి కేవ‌లం 11 ర‌న్స్ ఇచ్చి 2 వికెట్లు తీశాడు.