కుప్ప‌కూలిన పంజాబ్ బ్యాటింగ్

కోల్‌క‌త నైట్‌రైడ‌ర్స్‌తో జ‌రుగుతున్న మ్యాచ్‌లో మొద‌ట బ్యాటింగ్ చేసిన పంజాబ్ కింగ్స్ కేవ‌లం 111 ప‌రుగుల‌కే ఆలౌట్ అయింది. ఓపెనింగ్ పార్ట్‌న‌ర్‌షిప్ 20 బంతుల్లో 39 ర‌న్స్ జోడించిన త‌ర్వాత ప్రియాన్ష్ ఆర్యను కేకేఆర్ బౌల‌ర్ హ‌ర్షిత్ రాణా ఔట్ చేశాడు. ఇక అదే ఓవ‌ర్‌లో కెప్టెన్ శ్రేయ‌స్‌ను కూడా ఔట్ చేసి డ‌బుల్ ఇంపాక్ట్ చూపించాడు హ‌ర్షిత్ రాణా. ఆ మ‌రుస‌టి ఓవ‌ర్‌లోనే జాష్ ఇంగ్లిస్‌ను వ‌రుణ్ చ‌క్ర‌వ‌ర్తి బౌల్డ్ చేశాడు. ఇక ప‌వ‌ర్ ప్లే ఆఖ‌రి బంతికి ఊపుమీదున్న ప్ర‌భ్‌సిమ్ర‌న్‌సింగ్‌ను కూడా హ‌ర్షిత్ ఔట్ చేసి పంజాబ్‌ను కోలుకోలేని దెబ్బ‌తీశాడు. దీంతో పంజాబ్ 54 ర‌న్స్‌కే 4 వికెట్లు కోల్పోయి పీక‌ల్లోతు క‌ష్టాల్లో ప‌డింది. ఆ త‌ర్వాత‌ వ‌ధేరా, యాన్సెన్ కొన్ని ర‌న్స్ జోడించిన‌ప్ప‌టికీ వికెట్ల ప‌త‌నం ఆగ‌క‌పోవ‌డంతో పంజాబ్ 15.3 ఓవ‌ర్ల‌లో 111 ప‌రుగుల‌కే ఆలౌట్ అయింది. కేకేఆర్ బౌల‌ర్ల‌లో హ‌ర్షిత్ రాణా 3 వికెట్లు, వ‌రుణ్ చ‌క్ర‌వ‌ర్తి, సునీల్ న‌రైన్ చెరో 2 వికెట్లు తీశారు.