ఇదేంద‌య్యా ఇది..163 ఏంద‌య్యా

ఢిల్లీ క్యాపిట‌ల్స్‌తో జ‌రుగుతున్న మ్యాచ్‌లో రాయ‌ల్ చాలెంజ‌ర్స్ బెంగ‌ళూరు 20 ఓవ‌ర్ల‌లో 7 వికెట్ల న‌ష్టానికి 163 ప‌రుగులు చేసింది. ఆర్సీబీ ఆరంభించిన విధానం చూస్తే, ఇది చాలా త‌క్కువ స్కోరులా అనిపిస్తోంది. దూకుడుగా ఆరంభించి, ప‌వ‌ర్ ప్లేలో 64 ర‌న్స్ చేసి 2 వికెట్లు కోల్పోయిన ఆర్సీబీ..ఆ త‌ర్వాత కోహ్లీ (22), కెప్టెన్ ప‌తిదార్ (25)ను కోల్పోవ‌డంతో క‌ష్టాల్లో ప‌డింది. అనంత‌రం లివింగ్‌స్ట‌న్‌, జితేశ్ కూడా సింగిల్ డిజిట్స్‌కే ఔట‌వ‌డంతో స్కోరు వేగం మంద‌గించింది. కృనాల్ (18) స‌హ‌కారంతో టిమ్ డేవిడ్ (20 బంతుల్లో 37 నాటౌట్) ఆఖ‌ర్లో రెచ్చిపోయాడు. రెండు ఫోర్లు, నాలుగు సిక్స‌ర్లు బాదాడు. డేవిడ్ ఈ రేంజ్‌లో ఆడితేనే ఆర్సీబీకి క‌నీసం 163 ప‌రుగులైనా వ‌చ్చాయి. ఢిల్లీ బౌల‌ర్ల‌లో కుల్దీప్‌, విప్ర‌జ్ చెరో రెండు వికెట్లు తీసి ఆర్సీబీ మిడిల్ ఆర్డ‌ర్‌ని కోలుకోలేని దెబ్బ‌తీశారు. ఈ ఇద్ద‌రూ 5 కంటే త‌క్కువ ఎకాన‌మీతో ర‌న్స్ ఇవ్వ‌డం హైలైట్.