ఆర్సీబీ కెప్టెనే మ్యాచ్‌ను వ‌దిలేశాడు

క్యాచెస్ విన్ మ్యాచెస్ అంటారు..ఒక క్యాచ్ వ‌దిలేస్తే, అంది ఎంత కాస్ట్లీ అవుతుంద‌నేది మ‌నం ఎన్నో సంద‌ర్భాల్లో చూశాం. ఆ విష‌యం ఆర్సీబీ కెప్టెన్ ర‌జ‌త్ ప‌తిదార్‌కు బాగా అర్థ‌మై, అనుభ‌వ‌మై ఉంటుంది. పీక‌ల్లోతు క‌ష్టాల్లో ఉన్న ఢిల్లీ క్యాపిట‌ల్స్ మ‌రో వికెట్ కోల్పోయే అవ‌కాశాన్ని ప‌తిదార్ చేజేతులా తోసిపుచ్చాడు. కేఎల్ రాహుల్ 5 ప‌రుగుల మీద ఉన్న‌పుడు ఇచ్చిన క్యాచ్‌ను ర‌జ‌త్ ప‌తిదార్ జార‌విడిచాడు. అక్క‌డ లైఫ్ పొందిన రాహుల్ మ‌ళ్లీ త‌ప్పు చేయ‌లేదు. నిల‌క‌డ‌గా ఆడుతూ ఒకేసారి వేగం పెంచాడు. 37 బంతుల్లోనే హాఫ్ సెంచ‌రీ పూర్తి చేసుకున్నాడు. ఆ త‌ర్వాత జాస్ హేజిల్‌వుడ్ ఓవ‌ర్లో ఏకంగా 22 ర‌న్స్ బాదాడు. దీంతో ఢిల్లీ టార్గెట్ వైపు మ‌రింత వేగంగా దూసుకెళ్లింది. రాహుల్ 53 బాల్స్‌లో 7 ఫోర్లు, 6 సిక్స‌ర్లతో రెచ్చిపోయి 93 ప‌రుగుల‌తో నాటౌట్‌గా నిలిచి ఢిల్లీని గెలిపించాడు. ఒక‌వేళ రాహుల్ 5 ప‌రుగుల వ‌ద్దే ఔటై ఉంటే ప‌రిస్థితి మ‌రోలా ఉండేది. మ్యాచ్ అనంత‌రం ర‌జ‌త్ ఈ విష‌య‌మై బాధ ప‌డిన‌ప్ప‌టికీ, ఆట‌లో ఇవ‌న్నీ స‌హ‌జ‌మే గ‌నుక‌..మ‌రో మ్యాచ్‌కు ఫ్రెష్‌గా సిద్ధ‌మ‌వ్వాల్సిందే.