ర‌షీద్ వికెట్ తీశాడోచ్..

ఆఫ్గ‌న్ స్పిన్ బౌల‌ర్ ర‌షీద్ ఖాన్..ప్ర‌పంచంలో ఎక్క‌డ క్రికెట్ లీగ్ జ‌రిగినా అక్క‌డ త‌నుంటాడు. లెక్క‌లేన‌న్ని వికెట్లు త‌న ఖాతాలో వేసుకుంటున్నాడు. ఇక ఐపీఎల్‌లోనూ ర‌షీద్‌ఖాన్‌కు స‌ప‌రేట్ ఫ్యాన్ బేసే ఉంది. ఎప్పుడు బౌలింగ్ చేసినా వికెట్ గ్యారెంటీ. కానీ ఈ సీజ‌న్‌లో సీన్ మారింది. ర‌షీద్ ఈ మ్యాచ్‌లో ఐనా వికెట్ తీస్తాడా అనేలా అత‌డి ఫామ్ ప‌డిపోయింది. ఇప్ప‌టి వ‌ర‌కు 5 మ్యాచ్‌లు ఆడ‌గా..తొలి మ్యాచ్‌లో పంజాబ్‌పై ఒక వికెట్ తీశాడు. ఆ త‌ర్వాత మూడు మ్యాచుల్లోనూ వికెట్లేమీ ద‌క్క‌లేదు. పోనీ ర‌న్స్ క‌ట్ట‌డి చేశాడా అంటే అదీ లేదు. ఐతే రాజ‌స్థాన్ రాయ‌ల్స్‌తో జ‌రిగిన మ్యాచ్‌లో ర‌షీద్‌ఖాన్‌కు కాస్త ఊర‌ట ల‌భించింది. మూడు మ్యాచ్‌ల త‌ర్వాత మ‌ళ్లీ వికెట్ ద‌క్కింది. ధృవ్ జురేల్‌ను ఔట్ చేయ‌డం ద్వారా వికెట్ల లోటును భ‌ర్తీ చేసుకున్నాడు. ఇక ఇన్నింగ్స్ 14వ‌ ఓవ‌ర్లో శుభమ్ దూబెను కూడా ఔట్ చేసి ..మొత్తానికి ఈ మ్యాచ్‌లో రెండు వికెట్లు తీశాడు.