రివేంజ్‌తో క‌మ్ బ్యాక్ అవుతారా?

గ‌త సీజ‌న్‌లో అద్భుతంగా ఆడిన స‌న్‌రైజ‌ర్స్ హైద‌రాబాద్‌..ఫైన‌ల్ మ్యాచ్‌లో కోల్‌క‌త నైట్‌రైడ‌ర్స్ చేతిలో ఓట‌మిపాలైన సంగతి తెలిసిందే. ఇప్పుడు దానికి బ‌దులు తీర్చుకునే టైమ్ వ‌చ్చింది. ఈడెన్ గార్డెన్స్‌లో కేకేఆర్‌తో త‌ల‌ప‌డ‌బోతోంది స‌న్‌రైజ‌ర్స్ హైద‌రాబాద్. ఈ సీజ‌న్ ఆరంభ మ్యాచ్‌లో రాజ‌స్థాన్ రాయ‌ల్స్‌పై గెలిచిన స‌న్‌రైజ‌ర్స్..ఆ త‌ర్వాత వ‌రుస‌గా ల‌క్నో సూప‌ర్ జెయింట్స్, ఢిల్లీ క్యాపిట‌ల్స్ చేతిలో ఓడింది. ఈ ఓట‌ముల నుంచి తిరిగి కోలుకునేందుకు ఈడెన్ గార్డెన్‌ను వేదిక‌గా చేసుకోవాల‌ని క‌మిన్స్ అండ్ గ్యాంగ్ ఉవ్విళ్లూరుతోంది. ఐతే టాపార్డ‌ర్‌లో ట్రావిస్ హెడ్ త‌ప్ప మిగ‌తా ఎవ్వ‌రూ స‌రిగా ఆడ‌క‌పోవ‌డం టీమ్ మేనేజ్మెంట్‌ను క‌ల‌వ‌ర‌పెడుతోంది. బౌలర్లు కూడా తీవ్రంగా నిరాశ‌ప‌రుస్తున్నారు. మ‌రి లోపాల‌ను స‌రిదిద్దుకుని నూత‌నోత్సాహంతో దూసుకుపోవాలంటే టీమ్‌లో మార్పులు అనివార్యం. అభిషేక్ శ‌ర్మ‌, నితీశ్‌కుమార్ రెడ్డి , హెన్రిక్ క్లాసెన్…ఈ ముగ్గురూ త‌మ స్థాయికి త‌గ్గ‌ట్టుగా ఆడితే స‌న్‌రైజ‌ర్స్‌కు తిరుగుండ‌దు. ఇక ఈ సీజ‌న్‌లోనే ఎస్ ఆర్ హెచ్‌లోకి అడుగుపెట్టిన‌ అభిన‌వ్ మ‌నోహ‌ర్, వ‌చ్చిన అవ‌కాశాల‌ను వినియోగించుకోలేక‌పోతున్నాడు. ఇత‌డి స్థానంలో అథ‌ర్వ టైడేకు అవ‌కాశ‌మిస్తే బెట‌ర్‌. బౌలింగ్ ఆప్ష‌న్స్‌ను కూడా చెక్ చేసుకుంటోంది టీమ్ మేనేజ్మెంట్. కచ్చితంగా బౌన్స్ బ్యాక్ అవ్వాలంటే త‌గిన మార్పులు చేసుకును బ‌రిలోకి దిగాల్సిందే.