వెళ్లిపోతున్న‌ ట్రావిస్ హెడ్ ?

స‌న్‌రైజ‌ర్స్ హైద‌రాబాద్ డ్యాషింగ్ ఓపెన‌ర్ ట్రావిస్ హెడ్ త‌న స్వ‌దేశం ఆస్ట్రేలియాకు వెళ్ల‌నున్న‌ట్టు స‌మాచారం. వ్య‌క్తిగ‌త కార‌ణాల వ‌ల్ల హెడ్ ఆసీస్‌కు ప‌య‌న‌మ‌య్యే చాన్స్ ఉంది. ఒక‌వేళ హెడ్ రాబోయే మ్యాచ్‌ల‌కు మిస్సైతే స‌న్‌రైజ‌ర్స్‌కు కోలుకోలేని దెబ్బ‌ప‌డిన‌ట్టే. ఇప్ప‌టికే ఆడిన మూడు మ్యాచుల్లోనే హెడ్ ఒక్క‌డే నిల‌క‌డ‌గా ఆడాడు. ఒక మ్యాచ్‌లో హాఫ్ సెంచ‌రీ (67), ఆ త‌ర్వాత వ‌రుస‌గా 47, 22 ర‌న్స్ స్కోర్ చేశాడు. ప‌వ‌ర్ ప్లే పూర్త‌య్యే వ‌ర‌కు నిల‌బ‌డ్డాడు. ఇప్ప‌టికే పేక‌మేడ‌లా కుప్ప‌కూలుతున్న స‌న్‌రైజ‌ర్స్‌కు హెడ్ లేక‌పోవ‌డం పూడ్చ‌లేని లోటుగా మార‌నుంది. ఒక‌వేళ హెడ్ వెళ్లిపోతే అత‌డి స్థానంలో శ్రీలంక ఆల్‌రౌండ‌ర్ క‌మిందు మెండిస్‌ను తీసుకోనున్న‌ట్టు తెలుస్తోంది. ఐతే ట్రావిస్ హెడ్ ఎప్పుడు వెళ‌తాడు, మ‌ళ్లీ ఎప్పుడు తిరిగొస్తాడ‌నే విష‌యంపై స‌న్‌రైజ‌ర్స్ యాజ‌మాన్యం నుంచి అధికారిక స‌మాచారం వ‌చ్చే వ‌ర‌కు వేచిచూడాల్సిందే.