ఇద్ద‌రిలో ఎవ‌రు? న‌లుగురిలో ఎవ‌రు?

మ‌రోకొన్ని గంట‌ల్లో ముంబై ఇండియ‌న్స్ ఎవ‌రెవ‌రిని రిటైన్ చేసుకుంటుందో తేలిపోతుంది. ఇప్ప‌టికే మిగ‌తా జ‌ట్లు క‌నీసం ఒక‌రిద్ద‌రి విష‌యంలో క్లారిటీకి వ‌చ్చినా, ముంబై ఇండియన్స్ మాత్రం ఏ చిన్న హింట్ కూడా ఇవ్వ‌డం లేదు. ముఖ్యంగా రోహిత్‌శ‌ర్మ ఆట‌గాడిగా కంటిన్యూ అవుతాడా అనేది బిగ్ క్వ‌శ్చ‌న్. ఇక సూర్య‌కుమార్ యాద‌వ్ టీ20ల్లో ఇండియా కెప్టెన్‌గా వ్య‌వ‌హ‌రిస్తున్నాడు. మ‌రి ముంబైకి కూడా కెప్టెన్సీ చేస్తే బాగుంటుంద‌ని మ‌న‌సులో ఉంటుంది క‌దా..అదేమైనా మేనేజ్మెంట్‌కు చెప్పేసాడా? ఇక జ‌స్ప్రిత్ బుమ్రా కూడా ముంబై ఇండియ‌న్స్ విజ‌యాల్లో కీల‌క‌పాత్ర పోషించాడు. త‌ను ఆల్రెడీ టీమిండియాకు వైస్ కెప్టెన్‌గానూ చేస్తున్నాడు. మ‌రి త‌ను కూడా ఆశ‌ప‌డ‌టంలో తప్పులేదు. ఇక గ‌తేడాది కెప్టెన్ గా వ్య‌వ‌హ‌రించిన హార్దిక్ పాండ్యను ఫ్రాంచైజీ అలాగే కంటిన్యూ చేస్తుందా? అదే జ‌ర‌గాలంటే రిటైన్ చేసుకోవాల్సిందే. పాండ్య‌పై కొత్త‌లో వ్య‌తిరేక‌త వ‌చ్చినా, టీ20 వ‌ర‌ల్డ్‌క‌ప్ గెలుపు త‌ర్వాత అభిమానులు అత‌డిపై ప్రేమ చూపించారు. కానీ ముంబై ఇండియన్స్ విష‌యంలో, అది కూడా రోహిత్ విష‌యంలో మాత్రం అభిమానులు త‌గ్గేదేలే అంటారు. రోహిత్ ప్లేయ‌ర్ గా ఉండి, పాండ్య కెప్టెన్‌గా ఉండ‌టం ఫ్యాన్స్‌కు న‌చ్చ‌దు. పోనీ పాండ్య‌ను త‌ప్పిస్తారా అంటే ముంబై ఫ్రాంచైజీ సుముఖంగా ఉన్న‌ట్టు లేదు. అన్నిటికీ మించి సూర్య‌కుమార్‌, బుమ్రా విష‌యంలోనూ క్లారిటీ లేదు. వాళ్లు ఆక్ష‌న్‌లోకి వెళితే కోట్లు కొల్ల‌గొట్ట‌డం గ్యారెంటీ. మ‌రి ముంబై ఏం చేస్తుందో..